காதல் ஒரு தேவதையின் கனவா

http://musicmazaa.com/tamil/audiosongs/movie/Marina.html


காதல் ஒரு தேவதையின் கனவா
தொல்லை தரும் ராட்ஷசியின் நினைவா

காதல் நம்மைத் தூக்கிச் செல்லும் சிறகா
காலடியில் சறுக்கிடும் சருகா?

காதல் கண் ரெண்டும் சந்தித்து பேசும் மொழியா
இல்லை காணாத ஊருக்கு போகும் வழியா
காதல் ஓயாமல் வாயாடும் அலை கடலா
இல்லை மௌனத்தில் தண்டிக்கும் சிறை கதவா
( காதல் ஒரு )

காதல் அனல் தரும் வெயிலா
புனல் தரும் மழையா
பயம் தரும் புயலா
இந்த காதல்
வனம் தரும் அகிலா
மறைந்திடும் திகிலா
மாயம் தானா
காதல்
மின்னலின் துகளாம்
மிரட்டிடும் இருளாம்
மாயவன் செயலா
இந்தக் காதல் மலர்களின் திடலாம்
முட்களின் தொடலா
காயம் தானா

காணல் அலையா
வெறும் காட்சிப் பிழையா
இல்லை கங்கையிலே பொங்கி வரும் தண்ணீர் இதுவா
தூண்டில் வலையா
நெஞ்சைத் தாக்கும் கொலையா
இருந்தும் வாழ வைக்கும் மருந்தா
விருந்தா
( காதல் ஒரு)

காதல் கனவதன் கனவா
தவங்களின் தவமா
வரங்களின் வரமா
இந்தக் காதல்
கடவுளின் இனமா
அசுரனின் குணமா
விடைகள் இல்லை

காதல் பிறவியின் பயனா
துரத்திடும் கடனா
உளரிடும் திறனா
இந்தக் காதல்
இம்சையின் மகனா
ரசித்திடும் முரணா
சொல்வார் இல்லை

பூக்கள் கடையா
உயிர் வாங்கும் கதையா
இது வெற்றி தோல்வி ரெண்டும்
ஒன்றாய் மோதும் படையா
ஞான நிலையா
பொய் பேசும் கலையா
தூரல் நின்று பின்பும் தூறும் நிலையா

(காதல் ஒரு)

பாடியவர்: ஹரிச்சரண்
இசை : கிரீஷ்
திரைப்படம் : மரினா
வரிகள் : நா.முத்துக்குமார்