மொழியின்றி விரிகின்ற என் கீதம்

மொழியின்றி விரிகின்ற என் கீதம்
வழிகின்ற இளங்காதல் சங்கீதம்
இமையோரம் இதழாலே
இசை சொல்வேன் இளமானே
இனிக்கின்ற துயர் நீக்க வா
எந்தன் ஆசை சொல்லும்
ஓசை காதல் பாஷை
உந்தன் ஆசை சொல்லும் ஓசை
இது என்ன பாஷை

நிலவொன்று பொழிகின்ற நிறம் கண்டு
நிலம் மீது நிஜமாக நீ வந்து
ஏன் தோன்றினாய்
கண் வீணை காதல் இசை மீட்ட
பண் தேனைப் பதமாக்கி நான் ஊற்ற
துளிர் விட்ட ராகங்கள்
சுகம் கொட்டும் நேரங்கள்
சுவை ஊற்றும் வாழ்வுக்கு வரமாகுமோ
கண்ணே கீதா
கீதம் தா தா

வாழ்வென்ற மலர்மீது வழிகின்ற
அழகாகி வலம் வந்து
என் வாழ்வில் கரம்பற்றுவாய்
உயிர் சேரும்
ஒரு இருள்நேரம்
பயிராகி மெய்யொன்று உயிர் பூக்கும்
கவிபேசி நான் ஒட்ட
காதோரம் தேன் சொட்ட
கனவொன்று உன்னாலே நனவாகுமோ
உள்ளம் தந்தேன் உள்ளே வா வா"

இசை:ராஜ் தில்லையம்பலம்
பாடலைப்பாடியவர்: எஸ்.பி.பி
வரிகள் : சுதர்ஷன்
திரைப்படம்: 1999 (கனடிய தமிழ்ப்படம்)