647. தேன்மொழி எந்தன் தேன்மொழி

தேன் மொழி எந்தன் தேன்மொழி
நெஞ்சம் ஏன் உன்னைத் தேடுது
அன்பு தேன் மொழி எந்தன் தேன்மொழி
இன்னும் ஏன் என்னை வாட்டுது
அழகே நீ தான் எங்கே? எங்கே?
அன்பு தேன்மொழி எந்தன் தேன்மொழி
நெஞ்சம் ஏன் உன்னை தேடுது

தேவலோகத் தேரில் இவள் பாரிஜாதப் பூவா
பாச தீபம் ஏந்தும் ஒரு ஆசை கோவில் தானா
பாதம் முகம் போதும் ஒரு போதை வலை வீசும்
கூந்தல் ஒரு பாரம் அது கோடை மழை மேகம்
யாரடி நீ.... யாரடி நீ தேவதையா
கனவு உனது உடல் ஆனதே
காற்றினிலே பார்வைகளால்
கவிதை எழுதி வரும் பாவையே
வாய்மையின் வானம் ஆயிரம் காலம்
வளர வளரும் நிலவே (தேன்மொழி)

மதன விழிகள் மயங்க மயங்க ஆடட்டும் டும் டும்
இன்பக் கனவு இங்கு வந்து வந்து போகட்டும் டும் டும்
உனது வதனம் அமுதை பொழியட்டும்
எனது நினைவு முழுதும் அழியட்டும் (உனது வதனம்)
கம்பன் உன்னை பார்த்த போது வார்த்தை இன்றி ஓடுவான்
கலங்கி கலங்கி பாடுவான் கன்னித் தமிழை சாடுவான்
கவியரசன் தோற்றானே குடி முழுதும் உனதடிமை (தேன்மொழி)



திரைப்படம் : சொல்லத்துடிக்குது மனசு
இசையமைத்தவர்: இளையராஜா
பாடலைப்பாடியவர்: மனோ

விரும்பி கேட்டவர்: மஜா