36. BBC போல் பேசும் பெண்ணே...

BBC போல் பேசும் பெண்ணே
நம்பிக்கைதான் வாழ்க்கை கண்ணே
உன் விழியில் கண்ணீர் மாற்று
உதடுகளில் புன்னகை ஊட்டு
ஒரு நிலவு போனால் என்ன
ஒரு கோணி விண்மீன் காட்டு
கண் மலரும் ரோஜா பூவே
கைகள் தட்டு
(BBC போல்..)

நிலா நிலா ஓடிவா என் நெஞ்சிலே விளையாடவா
குளிர்கால வார்த்தையாய் உன்னை வாழ்த்தி பாடவா
புத்தம் புது புன்னகை நீ பூக்களில் கடன் வாங்கி வா
இதோ இந்த புன்னகை அள்ளிக்கொள்ளல்லவா
பூக்களிலே பட்டாம்பூச்சி பொருமையுடன் பிடித்துவிடு
பிடிக்கும்முன்னே பறந்துவிட்டால் பூக்களையே ரசித்துவிடு
கால் பட்ட புல்வெளி நசுங்கும் காலடி கடந்தால் எழுந்திடும் பாரு
(BBC போல்..)

அன்பே அன்பே வாழ்விலே ஏமாற்றமும் ஒரு மாற்றமே
அமாவாசை வந்துதான் நிலா கீற்று தோன்றுமே
இன்பம் துன்பம் ரெண்டுமே நிலையானதா அது இல்லையே
இலை வீழ்ந்த பூ மரம் தளிர் கொண்டு காட்டுமே
கங்கையிலும் நுரை இருக்கும் கவிதையிலும் குறை இருக்கும்
நீ இதனை புரிந்துக்கொண்டால் நெஞ்சினிலே நிறை இருக்கும்
சிரிப்புள்ள வீட்டில்தானே தேவதை வந்து சேவைகள் செய்யும்
(BBC போல்..)

படம்: ஹலோ
இசை: தேவா
பாடியவர்: SP பாலசுப்ரமணியம்
பாடலாசிரியர்: வைரமுத்து