521. சின்னப் பூவே மெல்லப் பேசு

சின்னப் பூவே மெல்லப் பேசு
உந்தன் காதல் சொல்லிப் பாடு
வண்ணப் பூவிழி பார்த்ததும் பூவினம் நாணுது
காலடி ஓசையில் காவியம் தோணுது

(சின்னப் பூவே)

பாவையின் தேன்குழல் மேகமோ
பொன்வானத்தில் வரைந்திடும் கோலமோ
கண்கள் நீரினில் நீந்திடும் மீன்களோ
எந்தன் காதலை மையெனப் பூசவோ
சின்னப் பாதங்கள் தாங்கிடும்
பொன்னெழில் மேனியை
அள்ளவோ கொஞ்சம் கிள்ளவோ

(சின்னப் பூவே)

வாலிபச் சோலையின் வாசமே
எந்தன் வாசலில் ஆடிடும் நேசமே
ஆனந்த சங்கம சந்தமே
எந்தன் ஆசையில் விளைந்திடும் சொந்தமே
இன்பத் தென்றலின் பாதைகள்
எங்கிலும் ஆசைகள்
பொங்குதே உன்னைக் கெஞ்சுதே

(சின்னப் பூவே)


படம்: சின்னப் பூவே மெல்லப் பேசு
இசை: எஸ்.ஏ.ராஜ்குமார்
பாடியவர்: ஜெயச்சந்திரன்