547. காவியமா நெஞ்சின் ஓவியமா

படம் : பாவை விளக்கு
குரல் : சிதம்பரம் ஜெயராமன், சுசீலா
பாடல் : மருதகாசி
இசை : கே.வி.எம்.
நடிகர்கள் : சிவாஜி, எம்.என்.ராஜம்
விரும்பிக் கேட்டவர் : நீல் மணி (Neel Mani )

காவியமா நெஞ்சின் ஓவியமா - அதன்
ஜீவியமா தெய்வீகக் காதல் சின்னமா

(காவியமா)


மொகலாய சாம்ராஜ்ய தீபமே - சிரித்த
முகத்தோடு நினைவில் பொங்கும் ரூபமே
மும்தாஜே....ஏ...
மும்தாஜே முத்தே என் பேகமே - பேசும்
முழுமதியே என் இதய கீதமே
என்றும் இன்பமே பொங்கும் வண்ணமே
என்னைச் சொந்தம் கொண்ட தெய்வமே
அன்பின் அமுதமே அழகின் சிகரமே
ஆசை வடிவமே உலகின் அதிசயமே

(காவியமா)

என்னாளும் அழியாத நிலையிலே - காதல்
ஒன்றேதான் வாழும் இந்த உலகிலே
கண்முன்னே தோன்றும் அந்தக் கனவிலே
உள்ளம் கலந்திடுதே ஆனந்த உணர்விலே
கனியில் ஊறிடும் சுவையை மீறிடும்
இனிமை தருவதுண்மைக் காதலே
காலம் மாறினும் தேகம் அழியினும்
கதையில் கவிதையில் கலந்தே வாழுவோம்

(காவியமா)